Espainiako No binaries elkartearen sortzailea. Esperientzia zabala du LGTBIAQ+ pertsonen eskubideen defentsan, batez ere trans eta ez-binarioen errealitateen bistaratzean. Inklusioa sustatzera, diskriminazioaren aurka borrokatzera eta espazio seguruak kolektiboarentzat sortzera zuzendutako proiektuetan lan egin du. Bere zereginak barne hartzen ditu sexu- eta genero-aniztasuna ikuspegi kritiko eta intersekzionaletatik jorratzen dituzten hezkuntza-materialak eta prestakuntza-jardueren diseinua eta garapena.
Espaniako No Binaries elkartearen baitan, identitate ez-binario eta transekin lotutako gaiei buruzko hezkuntzan eta sentsibilizazioan zentratutako ekimenak koordinatu ditu. Halaber, legediaren berrikuspenean lan egiten du, eta baita kolektiboko pertsonei erronka legal eta sozialen aurrean laguntzen dieten baliabide praktikoen sorreran ere. Adingabeekin lan egiten duten boluntarioen hezitzailea da, batez ere eskauten arloan, heldu-zentrismoa ezabatzeak, haur eta nerabeei euren ikaskuntzaren partaide uzten izateak eta euren identitate eta orientazioa deskubritzeak duten garrantzia helaraziz.
https://www.darkodecimavilla.es

Euskal Herriko Unibertsitateko Hizkuntzaren eta Literaturaren Didaktika Saileko irakaslea da, eta Psikodidaktikan doktorea: Hezkuntzaren Psikologia eta Didaktika Espezifikoak, Euskal Herriko Unibertsitatetik, nazioarteko egonaldiarekin Harvard Unibertsitatean.
17 urteko esperientzia du hezkuntzaren zenbait arlotan, Euskadin, Ameriketako Estatu Batuetan eta Asian. Bere ikerketa-ildo nagusiak honako hauek dira: genero-identitatea, heziketa-behar bereziak, eta hizkuntza zein kultura anitzeko heziketa-inguruneak. Inpaktu handiko aldizkari zientifikoetan argitaratu du, eta hizlaria izan da nazio barneko eta nazioarteko konferentzietan. Aniztasunaren eta benetako inklusioaren defendatzaile fidela.da
https://orcid.org/0000-0002-2998-4395

Alessandra D. Fisher ikerketa klinikoaren arloko zientzialari bat da, baita Endokrinologian eta Andrologian espezializatutako mediku klinikoa ere; alor horretan, bereziki interesatzen zaio osasun transgeneroa. Italiako Genero, Identitate eta Osasun Elkartearen (SIGS) sortzaileetako bat eta presidente ohia da. Osasun Transgeneroaren Europar Elkarteko (EPATH) zuzendaritza-batzordeko kide aukeratua da, eta baita Italiako Andrologia eta Sexu-medikuntzaren Elkarteko (SIAMS) zuzendaritza-batzordeko kidea ere. Europako Sexu-medikuntzako Elkarteko (ESSM) hezkuntza transgeneroaren batzordeko kidea da, eta Sexu-medikuntzaren Nazioarteko Elkartean ikerketa-batzordekoa ere bai.
The Journal of Clinical Endocrinology & Metabolism aldizkariaren saria jaso du, ikerketa onenagatik, 2016an, eta baita ESSMren Ikerketarako Beka ere, 2016an.
GD/GI duten pertsonei buruzko zentro anitzeko azterlan kliniko batzuetan parte hartu du. Esperientzia handia du saiakuntza klinikoak gidatzen, eta iraganean esperientzia izan du diziplina anitzeko taldeek egindako zentro anitzeko azterlan klinikoetan, gehienak GD/GI eta Sexu-medikuntzari buruzkoak. Endokrinologiaren Zuzendaritza-batzordeko partaidea da Genero-inkongruentzia Ikertzeko Europar Sarearen proiektuaren baitan /ENIGI). Nazioarteko inpaktu handiko 100 aldizkari, ikerketa eta liburu zientifikotan baino gehiagotan parte hartu du, autore edo koautore gisa.
https://orcid.org/0000-0003-3446-5132

Psikologoa, sexologoa eta Soziologian doktorea. Zaragozako Unibertsitateko Hezkuntza Zientzien Saileko irakasle laguntzailea. Sexologian espezializatzeko master eta ikastaro batzuetan kolaboratu du, irakasle gisa.
Azken hogei urteetan, Hezkuntza eta Arreta Sexologikoko Zerbitzu batzuk abiatzeaz eta garatzeaz arduratu da, Madrilen eta Aragoin, zenbait erakunde eta instituziorekin kolaboratuz. Huescako Udalaren Gazteriaren Udal Planaren Arreta Sexologikoko Zerbitzuaren arduraduna izan zen 2007 eta 2020 bitartean; horrekin batera, aholkularitza partikularra eskaini zuen, gizabanakoentzat eta bikoteentzat, 2005etik 2022ra bitartean.
Genero eta sexualitateari buruzko argitalpen batzuen autorea da; horien artean, bere azken liburua nabarmentzen da: “El género y los sexos. Repensar la lucha feminista” 2019an argitaratua eta 2022 berriro editatua.
https://orcid.org/0000-0002-6273-8671

Cal Horton Doktorea ikerlaria da Oxfordeko Aniztasunari buruzko Politika eta Praktikaren Ikerketarako Brookes Zentroan. Trans azterlan aplikatuetan espezializatutako gizarte zientzialaria da, metodo mistoak erabiltzen dituena. Bere ikerketaren gai nagusiak honako hauek dira: haur eta gazte transen eskubideak eta ongizatea, osasun-arreta, hezkuntza eta familiak. Hezkuntzaren arloari dagokionez, bere ikerketak Erresuma Batuko trans haurren esperientziak aztertzen ditu, bertako eskoletan, hezkuntzan aurrera egitea ahalbidetzen dieten faktoreak aztertuz. Osasun-arretaren arloan, berriz, 4 urteko ikerketa proiektu bat gidatzen ari da hainbat herrialdetan, pertsona transen osasun-arretaren arloko pazienteez jakinarazitako emaitzen neurketari buruz; horren ardatza da trans haur, nerabe eta heldu gazteentzat osasun-arretaren arloan garrantzi gehien duten emaitzak identifikatzea eta lehenestea.
https://orcid.org/0000-0003-1944-4122

Joserra Landa izenarekin ezaguna ere, pedagogia, psikologia eta sexologia ikasi zituen. Sexologia Substantiboko Institutua (Isesus) zuzentzen du eta bertako irakaslea da. Sexu-terapia eta bikote-terapian aditua, BIKO ARLOAK Bikotearen Arretarako Zentroa zuzentzen du, kide izateaz gain. Sexologia Substantiboko Masterra zuzendu zuen Valladolideko Miguel de Cervantes Europar Unibertsitatean, eta 20 urtez INCISEXeko irakasle-taldearen partaidea izen zen. Klaseak eman ditu Graduondoko programa ugaritan (Salamancako Universidad Pontificiako Terapia Familiarraren Masterra, Camilo José Cela Unibertsitateko Sexologia Masterra, Alcalako Unibertsitateko Sexologia Masterra…). Gaur egun, Deustuko Unibertsitateko Psikoterapia Sistemiko Erlazionala Masterraren irakaslea da, eta baita UPNAren Sexu-heziketan Espezializazio Diploman ere. Jardunaldi, Konferentzia eta Biltzar ugaritan parte hartu du hizlari, antolatzaile edo batzorde zientifikoen kide gisa. Hainbat artikulu, monografia, kapitulu eta liburu argitaratu ditu.
Azken 30 urteetan, transexualitate-egoeran dauden pertsonekin lan egin du, eta baita haien bikotekide eta familiekin ere. Gainera, eratu zenez geroztik, Naizenekin (adingabe transexualen familien elkartea) kolaboratzen du. Gai horri buruzko zenbait lan argitaratu ditu.
https://es.wikipedia.org/wiki/Jos%C3%A9_Ram%C3%B3n_Landarroitajauregi_Garai

Naizen elkartearen bazkide sortzailea da, eta bertan familiei arreta eta laguntza emateko lanak egin ditu, baliabide didaktikoak diseinatu eta sortu ditu, eta sentsibilizazio-kanpainetan aritu da; halaber, instituzio publikoekin kolaboratu du legedi-aldaketak lortzeko, ikastetxeetan jarduteko gidak eta protokoloak sortzeko, eta pertsona transexualentzako arreta medikoan hobekuntzak lortzeko. Prestakuntza eta aholkularitza eskaini dizkie zenbait arlotako profesionalei; eta dibulgazio-lanak egin ditu. “Tránsitos. Comprender la transexualidad infantil y juvenil a través de los relatos de madres y padres´” liburuaren autorea da, eta baita transexualitateari eta sexu-aniztasunari buruzko beste dibulgazio-testu batzuena ere.
Informatikan Doktorea eta Sexologian Masterra da. Euskal Herriko Unibertsitateko irakasle eta ikertzailea. Azken urteetan haur eta gazteen transexualitateari buruzko ikerketan aritu da, eta bere emaitzak aldizkari zientifikoetan argitaratu ditu.
https://orcid.org/0000-0002-3054-790X

Joz Motmans Ganteko Unibertsitate Ospitaleko Sexologia eta Genero Zentroaren arreta psikologikoaren koordinatzailea da. Psikologian lizentziatua, gizarte-ikertzailea eta transgeneroan aditua den aldetik, bere prestakuntzak barne hartzen ditu LGBTIQ+-ri buruzko azterlanak, gizarte-mugimendu berriak, berdintasuna, emantzipazioa, osasuna, bizi-kalitatea eta gizarte-jarrerari buruzko ikerketa. Masterra Psikologia Klinikoan. Graduondokoa Emakumeei buruzko Ikasketetan. Gizarte-zientzietan doktorea (gizarte-mugimenduen teoria eta trans emantzipazioa).
Genero-hizkuntza inklusiboaren arloko Lantaldearen kidea (Taalunie). Sexu-medikuntzaren Europar Elkarteko kidea, ‘Sexu-osasun eta –disfuntzio transgeneroaren Batzorde Zientifikoa’. Osasun Transgeneroaren Munduko Elkarte Profesionalaren zuzendaritza-batzordeko kidea (WPATH). Osasun Transgeneroaren Europako Elkarte Profesionalaren (EPATH) sortzailea, zuzendaritza-batzordean parte hartuz, eta elkarte horretako presidente ohia. Ikertzaile seniorra eskualde eta nazio mailako eta nazioarteko ikerketa-proiektuetan, gai hauei buruz: LGBTIQ+ pertsonen osasuna, bizi-kalitatea, indarkeria eta diskriminazioa, gizarte-jarrerak. Zenbait argitalpen zientifiko ditu.
https://orcid.org/0000-0001-7643-4153

Medikuntza eta Kirurgia Orokorrean doktorea UPV/EHUtik eta Pediatrian/Endokrinologian aditua, arreta berezia zuzenduz diabetesera eta transexualitate-egoeran dauden adingabeentzako erantzun endokrinologikora. Osakidetzaren Gurutzeta Ospitaleko Endokrinologia Pediatrikoko Atalaren Burua. Endokrinologia Pediatrikoaren Espainiar Elkarteko presidentea (2020-2024). Osakidetzako Genero Identitatearen Unitateko kidea. Eusko Jaurlaritzaren “Transexualitate-egoeran daudenei arreta integrala emateko gidaren” egileetako bat da. SEEN eta ESPE erakundeen Genero Identitatearen lantaldeetako kidea.
Azken 8 urteetan, artikulu zientifikoak argitaratu ditu nazio barneko eta nazioarteko 39 aldizkaritan, eta 5 artikulu Endokrinologia Pediatrikoaren arloko tratatuetan; halaber, komunikazioak eta ponentziak aurkeztu ditu 90 biltzar nazionaletan eta 18 nazioarteko biltzarretan, eta 14 ikerketa-proiektutan parte hartu du. Gainera, genero-aniztasunari buruzko prestakuntza-jarduera espezifiko ugaritan parte hartu du.
https://www.researchgate.net/profile/Itxaso-Rica

Jiska Ristori psikologo eta psikoterapeuta bat da, 2008az geroztik genero-identitatearen arloan lan egiten duena. Zehazki, bere jardunaren ardatza da generoa finkatzeko bideak sostengatzea gazte eta heldu transgeneroengan, generoarekin lotutako gaiak jorratzeaz batera. Elkarte zientifiko batzuen partaidea da, hala nola SIGIS, EPATH eta WPATH, eta ikerketa-lanetan aritzen da argitalpen zientifiko batzuekin, batez ere genero-identitatearen osasunaren arloan. Nazio barneko eta nazioarteko biltzarretan parte hartu ohi du, ahozko komunikazioekin. WPATH SoC 8ren Haurrei buruzko Kapituluaren koautorea da, eta WPATH Heziketa Institutu Globalaren partaidea ere bai.
https://orcid.org/0000-0001-8684-9643

Bea Sever sexologoa da, Suizidologian aditua, kazetaria eta ama. Adingabeen transexualitatean espezializatua, prestakuntza ematen du, hitzaldiak eskaintzen ditu, eta hizlari gisa parte hartzen du gai horri buruzko biltzar, mintegi eta jardunaldietan. Naizen elkartearen arreta eta akonpainamenduko arduraduna da. Gainera, orientazioa eta aholkua eskaintzen dizkie hainbat arlotako profesionalei: hezkuntza, medikuntza, psikologia, gizarte-zerbitzuak, hedabideak, udalak, etab.